Un piat special propriu da Praa 'l ghè nôt: però as mangia ben parchèe l'è 'n mess tra la pianura e la montagna: e 'nssì i gust s'ancôntro e divento pussè gostoss.

I trôvi i "Salam dla dôia", morsin parchèe jin conservai 'n-t-al grass dal lard e 'n-ti dôji. Anca i "Fidighin" facc con al fidich dal porcel e spéssii. Anca i "Marssapan" facc con 'l sang dal porcel, spéssii e pan o patati.

Anca nui da Praa mangiôma la "Paniscia", un risòt cheucc con lard rostì, salam dissfacc, varduri e vin bôn. Par pitanssa 'l "Tapulôn" facc con carna d'aso massnàa e vin rôss : da mangée con la polenta.Particuolar da Praa l'è 'l "Rosticiôn" ëd patati e verduri rostii e schiciaii. Ël "Gorgonsôla", specialità novaresa e la "Tôma" formagg con ël profum di-ji alp. E, par fornii, i "castègni": con la seu farin-a ass fa 'l "Castagnacc" docc e saurì . I manco mai, rostii 'n-t-u-na padèla bugiatàa, 'n ti mess d'otobri e novembri su i nostri piassi: quasi tuti i domenghi.