|
|
| |
 |
| Par la seu posissiôn as pòt mia dii che Praa al faga part d'una precisa situassiôn geografica, parchèe l'è 'n principio dla Valsesia ma al ga nôt i carateristichi dla montagna: l'è a la fin dal teritòrio novaress ma 'l ga nôt la figura dla pianura parchèe, ogni tant l'è ondolà da colin-i ligeri pin-i d'uga pressiosa chi i dan al nom : "La docia tèra tra dui fium". Ma pròprio sto contrast a fa da Praa 'n pòst ch'al merita 'na visita da chi, capita di nostri part,e 'l decid da passée 'na giornàa diverssa lassand ëndrée, par na vôta, i sòlit pòst dal lach e dla montagna, anca si-jin mia tant lontan dal paiss. |
|
|
| |
|
|
|
|
| |
|
UN PO' DA STORIA |
Tut al teritòrio da Praa, 'mè tuta la pianura dal Po', 'n-t-la preistoria (Pliocene da 5 a 2 miliôn d'angn' fa) l'eva ocupaa dal mar caud e ümid con i rivi tuti frastaiaij, a strapiômb e con rientranssi su i fianch. As pòt capii e vèssi sicur parchèe 'n Vaj, din an-t-al Parc Natural dal Monfenera, i-s-trôvo fòssil da 3,5 miliôn d'angn' fa: l'è na zona tra i pussè 'nteressanti dal Piemônt. Jin rivaii peuj anca i Roman parchèe jin stacc trovai, a San Grà, anfori e muneji da côl temp.An-t'un diploma dl' imperator Enrico II dal 1014 'l paiss l'è già ciamà con al nòm Karon. Ën-t-al dusent ël paiss l'eva già dividu an Praa Nôva e Praa Vègia e 'n_ mess ël Castel Sopramonte: ma 'l paiss l'eva anco na frassiôn ëd Romagnan.Pròprio vèrs ël miladuseéntssetanta l'è nassu - 'n ssi i diso ji studioss - pròprio a Praa 'n tipo d'eretich, méss predicator e méss brigant, Fra' Dolcino, che a cap dla congrega dij Apostòlich l'è butà sôt sora la Valsesia e la Valsessera, ma peuj jin ciapalo i soldai dal Veussco 'd Varsei: iin assedialo sul Mont Rubello, sora Trivée e peuji l'è condanalo a mort l'Inquisissiôn, ënsèma a Margarita, la seu compagna da tant temp 'Nciun l'è scaudà l'immaginassiôn di Valssesian 'mè sta parsôn-a, onoraa fin-a da Dante 'n-t-la Divin-a Comèdia. Tra la fin dal Cinqcent e i prum dal sisscent Praa - che a côl temp al gheva pressapôhc cinqcent-sisscent abitant - l'è 'ncomincià a libaressi dla strapotér dal paiss renta ch'al controlava i molin chi masnavo la melga: masnée la melga l'eva 'l cap principal dl'econumia da côl temp. La gent da Praa l'è, peuj, organisassi e l'è daghi 'l comand a duj conssol nominai da dôdas consilier. 'N-t-al sisscent e sètcent gent da Praa ch'la stava ben, Carlo Placido, Bartolamè Furogotti e 'l previ Carlo Maria Genesi jin organisà diversi Operi Pii.Ën-t-al milassetcentnuvantadui l'è nassu 'n Praa Iacu Antonini, mat d'un nodar da Varal, coragioss combatent ch'-l'-è facc suto tanta cariera militar, 'n-t-l'esercit ëd Napoliôn, da meritessi la Legiôn d' Onor francesa. Quan che i Francées ijn pardu la guèra, cèl l'è scapà 'n Polonia e lì, 'n-t-al milavòtcent e trenta l'è combatu con ël grado 'd general par la liberassiôn du côla nassiôn dal dominio di Russ. 'N-t-al milavotcent e quarantòt l'è ritornà a combati 'n Italia par difendi Vicenssa dai "tudar". L'è, peuj, meurt 'n-t-al milavòtcentcinquantaquatro.
Ën-t-al milavotcentssessantadui al nom Praa jin giongiù Sesia. Ën-t-al milanòvcent ël paiss pian pian l'è cambià da agricol a industrial.Ën-t-la sicônda guèra mondiala a Praa l'è staighi 'na gran lòta par la Resistenssa di Partigian côntra i todèssch e i fascisti.
|
|
|
DUI MÒDI PAR SCOPRI 'L PAISS |
2° gir |
|
|
|
1° la part vègia e la colin-a dal Castel |
Lassèe pura la machina 'n-t-'l parchegio dla Piassa Europa, 'n-t-è ch'al ghèe 'na piastra - su'n basament - con segnaj i distanssi di pussè grandi cità d'Europa da Praa. Davanti i trôvi suto la Gisa parochial ëd San Barnard ch'-l'esistiva già 'n-t-la metà dal Milatrasent, ën stil romanich: tra 'l Sisscent e 'l Sètcent l'è diventaa 'n po' baròca. |
 |
 |
Dal din, trei navaj e siss altar - stil baròch. Côl da San Giusèp al gà 'n quadro dla Natività, piturà da Pédar Rinolfi da Romagnan. |
|
La pussè bèla l'è la Capèla dal Rosario: ël quadro central rapresenta la Madòna ch'-la dà la curôn-a dal rosario a San Domengo, piturà, vers ël Milassisscentquarantòt, da Giacinto Giminiani, pitor toscan ch'ël lavrava a Rôma : l'è 'n quadro esemplar dla Côntrariforma dòpo 'l Concilio 'd Trent . Ma su la vòlta 'ss pòd vôghi i meraviglioss afresch ( 1718 ) dal pitor Tarquinio Grassi da Romagnan : l'è quasi 'n tòc dla Capèla Sistina. |
 |
|
|
Ën fônd, pen-a din, a destra, la Capèla gòtica dal Crocifiss, dal Milavòtcentssetantadui par costodii 'n Crocifiss miracoloss che 'n-t-ël Milassetcentessessanta, portà via dal vent d'ën ciuma 'l Castel e sbatu sui tecc, l'è fassi gnienti : ënssi jin trovalo intat e quarcià 'd sodor .Tant bej tucc ji stuch dla gisa, i pussè bej da tuta la zona .Fôo, su la fiancaa sinistra, 'l ghè la Sacristia 'd Santa Marta con afreschi - restauraj da pôch temp - dal Milacinqcent: rapresentu un San Francesch su tuta 'na parete, ch'al riceva ji stigmati e i dôdas apòstul ën ti luneuti. |
|
La straa " via De Amicis " a fianch dla gisa, la riva pròprio 'n-t-la gisiôla dla Madona dla Quercia, dal ilassisscentquarantassiss. |
 |
 |
Ël quadro sora l'altar rapresenta la Madona dla Quercia, San Giovan Batista e l''arcangial S. Michée, rigalà da Giovan Viocca e piturà anco dal Giminiani. |
|
Gnent fô dla gisiôla trôvi davanti Via Garibaldi che 'v porta 'n-t-al côr antich da Praa Vègia . L'è 'na straa strencia ch'as doverda an tancc cortil, adès però rimodernai quasi tucc. |
 |
 |
Ën fônd la straa la continoa vèrss la "Rocheuta" : l'è ciamaa 'nssi parchè la gira pròprio sôt la ròca dal Castel, su la sinistra, con la straa ch'la gira vèrss Praa Nôva. |
Si 'ndôma dricc passôma sôt un arc ëd sass par ël santii ch 'ël pòrta fin su 'l Castel. |
|
 |
L'è ël pòst pussè bel da Praa par la veduta, par i rest dal Castel |
e la gisiôla dla Natività dla Madòna. |
 |
 |
Mia tant lontan al ghè 'na tor dal Mila o Milacent : l'è 'l simbol su la stèma dal Comun da Praa . Quaidun al diss che a l'inissiu ievu tacai e formavo un' unica fortificassiôn e che 'ntorn al gheva 'n po' 'd caii . Ën-t'un sicônd temp jin peuj facc al palassio di siori.Ën-t'al Milavòtcentquarantacinq Anselmo Prato l'è scricc un romanss "Beatrice di Sopramonte" sul tipo di " Promessi Sposi " dal Manzoni, e l'è ambientalo proprio 'n-t-al Castel. |
|
Din ën gisa 'l ghèe 'n'afressch dal Quatrocent, piturà da Johannes de Campo con San Basscian e 'n Veussco, fòrsi San Gaudenssio. |
 |
Ël panorama l'è impagabil : dai montagni fin giu vèrss la pianura dal Novaréss e dal Bieléss. |
|
| |
 |
Dissmuntand anveci d'andée a destra girôma a sinistra e ni truvôma 'n Praa Nôva, |
su la straa 'ntitulaa a Fra Dolcino pròprio l'eretich cità da Dante e che fòrsi l'è pròprio nassu 'n Praa. |
|
 |
Travarsà la straa, i trôvi Via dal Molin : l'è 'n rughèt ch'al riva 'n-t'al molin, iun di pôich chi restu, 'd proprietà dla famiglia Galdini, molinej da generassiôn. (Dès l'è crompalo 'l Comün par fée 'n Museo.) |
Tornôma 'ndrè e su la via Fra Dolcino trovôma la gisiôla dla Madona 'd Lord ch 'n-t'al Milasesscent e trantun l'eva stacia costrüia e dedicaa a San Carlo .La straa la continua fin-a al Piassal Europa, da dlà dla Statal. |
| |
|
| 2° La campagna, la Sesia, i Capèli e i gisiôli di frassiôn |
L'è 'na gita püssè lônga dla pruma : tüta 'n mess dla campagna : l'è bel fela 'n biciclèta, ma as pòt fela ben anca a peii .Dal Piassal Europa 'ndoma verss al Campssant e trovôma suto la Capèla 'd San Basscian che 'mpruma l'eva 'n stil romanich: ma 'n-t-al Milasetcent e trenta l'è stacia rifacia tuta diverssa, ma tant bèla. |
|
|
Din al ghè 'n afressch magnifich, dal Quatrocent, piturà da Tommaso Cagnoli: l'è rapresentaa la Madòna 'n tròno con a fianch San Basscian e San Giülio . Da dré dla Capèla 'l gheva 'na sorgent d'ava, ch'as vôch anco, e che i "pagani" la doparavo par purifichessi. Passôma da fianch dal Campssant, travarsôma la ferovia, ciapôma 'n santii largh su la destra e dòpo déss minut rivôma a San Grà: e propiu lì 'n-t-i prum angn' dal Nòvcent iin trovà moneii e vass di Roman. Lla Capèla la ghè piu ma 'n po' 'd mür: e pansée ch'-l-eva tant veneraa con Meussi e procissiôn e festi religiosi. |
Su la sinistra, mia tant lontan, scorr la Sesia e su la destra, andand avanti ghè la frassiôn dla Ca' Bianca . Travarsôma la Statal e, par Via Garodin ancontrôma la Capleuta 'd Sant Antognu e poeuj la bèla gisiôla 'd San Michée, costruja 'n-t-al Milassisscentdissnov: l'è proprietà di Cônt Gibilin: al seu bel stèma l'è piassà anca din an gisa. |
 |
 |
An santii dricc ni porta su la straa asfaltaa e a la salia 'n mess di praii, fin a la gisa dla Madona dla Fioca, costrüija 'n-t-al Milassetcent e quatordass: la posissiôn l'è meravigliosa e anco pussè l'afresch sora l'altar: l'è dal Cincent e 'l rapresenta la Madòna con el Bambin e da fianch San Nasario e San Gaudenssio. |
e fô n'afresch ch'l rapresenta la Madòna con el Bambin, la Beata Panasia e San Barnard.
|
 |
 |
A dispiass 'ndée via, 'ndée giü su la straa : ma par pôchc parchèe ciapôma 'n santii ch'a ni porta a la Capèla 'd San March |
con afreschi dal Setcent, restauraj da pôch temp: rapresentu la Madòna Assunta, San March e San Defendent . |
 |
Continuand la straa ,rivôma a 'na Cross granda : da lì 'ncomencia 'l Gabio e la straa par rivée, su la Via Matteotti, al Piassal Europa. |
|
|
|
|
|
